АМС ги подели ваучерите, најмногу пари за Вардар, ФФМ избришана

Македонскиот ракометен шампион Вардар и ооваа година ќе земе најголем ваучер од Агенцијата за млади и спорт. Актуелниот македонски првак има најголемо бодување, на сметката на „црвено-црните“ ќе легнат 17.500.000 денари.

Веднаш за Вардар 1961 е Еурофарм Пелистер. Битолчани ќе добијат ваучер од 16.500.000 денари. Трет на листата е Металург.

Тимот од Автокоманда во време кога се соочува со тешки финансиски проблеми и доби суспензија од ЕХФ за настап не само во европските клупски натпреварување, туку и во домашниот шампионат, ќе земе ваучер од над 200.000 евра односно 12.000.000 денари.

Во фудбалот, Шкендија ќе добие 10.850.000 денари, а Шкупи и Струга ТЛ по 9,850.000 денари.

Од кошаркарските клубови најголем дел од парите ќе добие МЗТ Скопје и тоа 12.300.000 денари, а Работнички 10.800.000 денари.

Во одбојката ОК Струмица 3.700.000 денари, ОК Вардар 2.300.000 денари.

Како и во минатото, АМС повторно ја заборави Фудбалската Федерација на Македонија, продолжувајќи го конфликтот со „куќата на фудбалот“ без оглед на успесите на фудбалската репрезентација во изминатата година.