Англиски фудбалер во критична состојба по судир со билборд

Напаѓачот на Бат Сити, Алекс Флечер е во болница во критична состојба, откако удри со глава во билборд покрај теренот за време на натпреварот со Далвич Хамлет во вторникот.

Флечер (23) се судри со билбордот по само пет минути игра и по првичната половина час пауза, натпреварот беше прекинат бидејќи беше пренесен во болница.

Иако нема детали за инцидентот, навивачите на клубот на социјалните мрежи објаснија дека тој загубил дуел, а потоа ненамерно бил турнат во рекламите на натпреварот во Националната лига, шестата лига на Англија.