Арон Ремзи: Би сакал еден ден да се вратам во Арсенал

Арон Ремзи се пресели од Арсенал во Јувентус минатото лето, но остана во добри односи со навивачите на поранешниот клуб.

Сепак, тој зборуваше за доаѓањето во Јувентус минатата вечер, а имаше големо мислење за Кристијано Роналдо.

„Тој е неверојатен играч, но и одличен човек. Тој е еден од најдобрите во историјата на фудбалот. Кога го видов на првата тренинг сесија, отидов во кантината и го чекав. Потоа прашав да седнам со него. Сакав да разговарам со него, а тој ми одговори скоро за сè што ме интересираше“, рече Ремзи и додаде:

„Тој навистина ги сака своите соиграчи, а на тренинзите секогаш се стреми кон максимум. Кога станува збор за Арсенал, би сакал да се вратам таму еден ден. Тие ме направија професионалец“, заврши Ремзи.