Connect with us

Фудбал

Аууу, па што е ова! На 33 години доби шанса за Реал Мадрид, па со ножички постигна ефектен гол (ВИДЕО)

Реал Мадрид го совлада Манчестер Јунајтед во пријателскиот натпревар во Хјустон (2:0) со голови на дебитантите кои пристигнаа летово. Најпрвин Џуд Белингем погоди во шестата минута и покажа дека не е без причина еден од најскапите фудбалери во историјата на Реал Мадрид, а непосредно пред судиското надополнување, поточно во 88. минута, Хоселу го постигна еден од најубавите голови што сме ги виделе на пријателските мечеви, а и воопшто.


Инаку, Хоселу има 33 години и летово пристигна во Реал Мадрид како замена за Карим Бензема, еден од најдобрите играчи во клупската историја. Хоселу беше позајмен од второлигашот Еспањол и сите се чудеа зошто го донесе Реал Мадрид, но се чини дека тој само „процвета доцна“ и дека тоа не беше случајно.

Исто така, Хоселу беше и во јуниорските селекции на Реал Мадрид, постигна гол за првиот тим во 2011/22 година, а потоа играше во Хофенхајм, Франкфурт, Хановер, Стоук, Депортиво, Њукасл, Алавес, Селта и Еспањол. Почна да игра и за шпанската репрезентација и оваа година веќе постигна три гола. Сепак, тешко дека ќе постигне подобар од оној кој претходната вечер заврши во мрежата на Манчестер Јунајтед…