Connect with us

Кошарка

Австралија имаше плус 15 против САД, а потоа Американците се разбудија

Кошаркарската репрезентација на Соединетите Американски Држави се пласираше во финалето на Олимписките игри во Токио, откако во денешното полуфинале ја победи селекцијата на Австралија со резултат 97:78.

Австралија ги победи САД во прелиминарните натпревари, а во денешното полуфинале започнаа одлично и се чинеше дека се на добар пат да направат изненадување.

Избраниците на Брајан Горџијан ја контролираа играта во првото полувреме, по што имаа предност од шест поени (24:18), а во вториот дел успеаја да создадат фантастични 15 поени предност (41:26).

Сепак, во последните пет минути од второто полувреме, Австралија одигра очајно. Се чини дека Американците се разбудија и целосно се вратија во натпреварот до крајот на првото полувреме. На полувреме Австралија заминува со само три бода предност, 45:42.

Третата четвртина го реши овој натпревар. Тимот на Грег Попович додаде гас и Австралијците беа целосно разбиени во тие моменти. Овој дел од играта САД го добија со 32:10 и беше јасно дека Австралија нема да може да направи ништо повеќе.

САД потоа полека го приведоа натпреварот до крај и стигнаа до финалето, каде ги чека дуел против победникот од натпреварот помеѓу Словенија и Франција.

Кевин Дурент ги предводеше Американците до победата со 23 поени и девет скока, Девин Букер додаде 20, додека на другата страна Пети Милс постигна 15 поени.