„Барселона знае колкава штета ни направи, правилата не се фер …“

Барселона го најде своето присилно засилување во нападот. Каталонците добија одобрение од ЛаЛига да донесат нов играч по сериозната повреда на Оусман Дембеле, а тоа официјално го сторија утрово.

Клубот од „Ноу Кампа“ ја исплати откупната клаузула и Леганес немаше друг избор. Најдобриот играч во тимот Мартин Брајтвајт замина во Барселона.

Леганес веднаш побара од ЛаЛига да му се дозволи и последователен трансфер – што беше одбиено.

Поради овој факт, претседателот на клубот Виторија Павон, како и генералниот директор Марин Ортега, беа крајно фрустрирани.

„Ова е нешто што веќе можевме да го предвидиме и тоа сигурно нè направи послаби … Тука нема што повеќе да се каже, штетата е веќе направена“, рече Павон.

„Тековните регулативи се штетни за интегритетот на натпреварите и против правото на сите клубови да се натпреваруваат под еднакви услови. Нанесена ни е скоро непоправлива штета, но ќе дадеме се од себе за да го решиме тоа“, рече Ортега, додавајќи:

„Барселона знае колкава штета ни нанесе на нас откако Брајтвајт отиде кај нив … Ние веруваме дека правилото не е правично. Барселона профитираше од последиците на регулативата. Оштетената страна е Леганес“.