Белингем покрај англискиот ќе има и пасош на друга земја. Еве зошто

Англискиот играч за врска Џуд Белингам (19) е еден од најголемите трансфери во овој летен преоден рок. Брилијантниот млад играч за врска ги напушти редовите на Борусија Дортмунд и за обештетување од 103 милиони евра се пресели во Реал Мадрид каде веднаш треба да биде еден од предводниците на играта.

Тој потпиша шестгодишен договор со кралскиот клуб, а покрај англискиот пасош сега треба да го добие и оној на Република Ирска, пренесуваат шпанските медиуми. Имено, бабата и дедото на Белингам по татко се Ирци кои емигрирале во Англија, додека неговата мајка е со африканско потекло.

Ова е важна вест за Реал Мадрид, бидејќи откако Белингем ќе добие ирски пасош, Ла Лига повеќе нема да го смета за странец, односно играч кој не е државјанин на земја од ЕУ. Шпанските прволигаши можат да имаат до пет играчи кои не се членки на ЕУ во својот тим, додека само три од нив можат да се запишат во листата со резултати на еден натпревар.

Белингем во Дортмунд игра од 2020 година, кога германскиот клуб го донесе од Бирмингем. На 132 натпревари за Борусија, тој постигна 24 гола. Тој го имаше своето деби за англиската репрезентација во ноември 2020 година и многу брзо стана стандарден играч во тимот на Герет Саутгејт.