Connect with us

Фудбал

Бенџамин Менди, обвинет од шест жени за силување и агресија, се изјасни за „невин“

Францускиот репрезентативец и поранешен дефанзивец на Манчестер Сити, Бенжамин Менди, пред судот се изјасни за невин, објави агенцијата Франс прес, која го следи неговиот случај. Менди (27) е обвинет од шест жени за седум точки од обвинението за силување, обид за силување и агресија. Тој веќе неколку месеци е во притвор и денеска се појави пред судот во Честер, но повеќе пати се изјасни за невин по различните обвиненија против него.

Левиот бек е светски шампион со Франција во 2018 година, а една година претходно Манчестер Сити плати речиси 50 милиони фунти за да го привлече од Монако. Тој последен пат играше за Граѓаните на воведниот натпревар од сезоната за неговиот тим, кој беше минимален пораз од 1-0 на гостувањето кај Тотенхем.