Бенфика доби поддршка од Волците за пресметката со Ливерпул

Бенфика доби вредна поддршка од Вулверхемптон пред четвртфиналниот натпревар од Лигата на шампионите против Ливерпул . Менаџерот на „волците“ Бруно Лаје беше тренер на португалскиот гигант од почетокот на 2019 година до летото 2020. Раководството на „орлите“ ги искористи контактите со специјалистот и клубот ги испрати сите достапни информации за Ливерпул до Лисабон .

Според „А Бола“ немало никаков контакт меѓу тренерите на двата тима, но се разговарало меѓу аналитичарите на двата тима. Бенфика ги анализираше добиените информации, кои се фокусираа на акциите во нападот на бековите Трент Александер-Арнолд и Ендрју Робертсон.

Bruno Lage and analysts at Wolves have reportedly ‘helped’ Benfica with information ahead of the Portuguese club playing Liverpool in the Champions League. [via A Bola]#WWFC | #Wolves pic.twitter.com/sm7CPFTAzl

— Talking Wolves (@TalkingWolves) April 4, 2022

Првиот натпревар од четвртфиналето на Лигата на шампионите е вечерва во Лисабон, а реваншот следната недела на Енфилд.