Берберот на Роналдо е пронајден мртов во хотелска соба во Швајцарија

Берберот е избоден до смрт во хотелска соба во Швајцарија.

Рикардо Маркес Фереира беше пронајден мртов во кревет од еден од чистачите во хотелот Цирих во петокот.

39-годишен маж е уапсен за неговото убиство. Уапсениот е од бразилска националност. Португалскиот медиум Кореио да Манха денеска објави дека жртвата е берберот на Кристијано Роналдо.

Берберот од островот Мадеира објави фотографии на социјалните мрежи од фото-сесијата на Роналдо во септември 2015 година.

Фереира е пронајден мртов во кревет со повеќе рани од нож.

Оружјето не било пронајдено на местото на настанот.

Мотивите за неговото убиство допрва треба да бидат утврдени.