Берлускони донира 10 милиони евра за формирање единици за интензивна нега

Поранешниот шеф на Милан, Силвио Берлускони, беше вклучен во кампања за да им помогне на пациентите со коронавирус.

Провинцијата Ломбардија во Италија е позната како најтешко погодена од пандемијата на коронавирус, а беше потребна помош за да се обезбедат дополнителни кревети за интензивна нега.

На крајот, според италијанските медиуми, 83-годишниот милијардер Силвио Берлускони донирал 10 милиони евра потребни за опремување на единицата за интензивна нега од 300 кревети во регионот на Ломбардија.

Италија е водечка земја во Европа по прој на заразени и починати од коронавирус. По инфекција со коронавирус починале над 2.100 лица, додека 1.851 се на интензивна нега.

Додека ситуацијата во Ломбардија не се смири, Берлускони, најде „мир“ во Шатонеуф-Грас, во југо-источна Франција.