Connect with us

Други спортови

Ботас пред Верстапен на првиот тренинг на „Муџело“

Муџело, 11 септември 2020 (МИА) – Возачот на Мерцедес, Валтери Ботас, забележа најдобро време на првиот слободен тренинг пред Големата награда на Тоскана во Формула 1. Така, Финецот го забележа најдобриот резултат на воведната сесија за петти последователен викенд.

Победникот на првата трка за сезоната за Гран при на Австрија даде време од 1:17.879, со што остави 0,048 пред возачот на Ред Бул, Макс Верстапен. Со одлично трето време, денешната сесија ја заврши Шарл Леклер (Ферари), кој заостануваше 0,307 зад Ботас на почетокот на тркачкиот викенд, во кој Скудерија ќе го одбележи својот старт број 1.000 во историјата на Формула 1.

Луис Хамилтон, лидерот во светскиот шампионат со Мерцедес, беше четврти во првите 90 минути од „Муџело“, откако Британецот остана 0,530 зад својот тимски колега. Последното место во најдобрите пет го освои победникот на Гран при на Италија пред една недела Пјер Гасли со Алфа Таури, кој остана на 0,797 од првото место.

Тренингот помина без поголеми инциденти, само возачот на Вилијамс, Никола Латифи, ги извади жолтите знамиња непосредно пред крајот на сесијата, откако се сврте кон излезот од вториот свиок. Канаѓанецот сепак успеа да ја продолжи својата програма без надворешно мешање, но на крајот заработи казна од 800 евра откако ја надмина максималната брзина во боксот за повеќе од 7 км на час.

loading...

Реклама

Facebook

Реклама
Реклама
Реклама
Реклама
WP2Social Auto Publish Powered By : XYZScripts.com