Буфон: После три порази, му реков дека ќе се квалификува

Јувентуs по првиот пораз во Серија А ја затвори групната фазата во Лигата на шампионите на најдобар можен начин. На крајот од мечот против Леверкузен, Џиџи Буфон ги коментираше критиките упатени до него по натпреварот против Сасуоло. Ова се зборовите на голманот за „Скај Спорт“.

„Јас сум навикнат да бидам критикуван, тоа е нормално. Ако сакам да продолжам да играм фудбал, морам да го признаам истото. Со текот на годините, потребни се повеќе ризици. Ако имате 41 година и играте во Јувентус, нормално е да се нервирате за некои работи. Морам да се подготвам добро, морам да се наметнам на теренот“.

Дуелот со Интер во првенството во себе носи повеќе ривалство од кога било, но според Буфон, елиминацијата од Лигата на шампионите нема да влијае, особено во трката за титули во Серија А.

„Интер во Лигата на Европа? Мислам дека не ја менува инспирацијата. Ја користам можноста да му честитам на Наполи и пред се Аталанта, разменав порака со тренерот Гасперини по првите три порази во групната фаза, му реков дека може да победи на сите преостанати натпревари и да се квалификува. Како што гледате, така излезе…“