Бузалковски со први бодови од европскиот шампионат

Најдобриот македонски мотоциклист Христијан Бузалковски од „Team Seventy One” изминатиот викенд дојде до првите бодови во Алпе Адриа Европскиот шампионат.

Бузалковски со многу добар резултат, со најдобриот успех во рамките на македонскиот брзински мотоциклизам.

На патека ТТ Асен, Холандија, Бузалковски во конкуренција од 40 возачи, на првата трка стартуваше од 11. позиција и заврши на 16. место.

Во втората трка нашиот натпреварувач стартуваше од 17. позиција, и успеа да дојде до 13. место, што е најдобар резултат за македонскиот брзински мотоциклизам.

– 13. место! Бодовите се тука! Пресреќен, како и мојот тим. Стартувавме од 17. место, успеавме да дојдеме до 13. позиција. Благодарност до сите за поддршката, што верувате во мене и што заедно чекориме кон повисоките места – се зборовите на Бузалковски.

Слободен печат