Чави може да слави: Лапорта носи големо засилување за Барселона

Жоан Лапорта се подготвува за летниот преоден рок и јасно е дека не очекуваат многу промени во играчкиот кадар на Барселона.

Каталонскиот клуб успеа да доведе неколку засилувања во јануари, но тие се потпираа на нападот и направија полн погодок со играчите кои ги ангажираа.

Сепак, одбраната остана најслабата точка на Барселона, која овој тим ја следи веќе неколку сезони. Лапорта и Чави се решени да го променат тоа на лето, и да ја максимизираат конкуренцијата во одбраната.

Се очекува Барса да ги продаде Самуел Умтити и Клемент Ленглет за да направи простор за нови играчи, а според Каталонски Спорт веќе е комплетирано едно засилување.

Спорт утрово објави дека Барселона договорила се со Андреас Кристенсен, кој на крајот од сезоната ќе дојде од Челзи како слободен играч бидејќи му истекува договорот со сините.

Кристенсен се согласи со условите кои му ги понуди Барселона и веќе ги помина медицинските прегледи. Спорт наведува дека Кристенсен ќе потпише петгодишен договор и дека се ќе биде официјализирано многу брзо.

25-годишниот Данец во Челзи пристигна како млад од Брондби. Но, тој ја одбил понудата за продолжување на договорот бидејќи едноставно не можел да одбие покана од Барселона.

Досега оваа сезона, тој одигра 26 натпревари во сите натпреварувања за Челзи, постигна два гола и додаде една асистенција.