Челзи без двајца клучни играчи против Салцбург во Лигата на шампионите

Менаџерот на Челзи, Греам Потер, потврди дека Едуард Менди и Н’Голо Канте се надвор од неговиот тим за претстојниот натпревар од групната фаза во Лигата на шампионите против РБ Салцбург.

Канте нема играно од ремито против Тотенхем пред еден месец, додека Менди нема играно од победата во Премиер лигата над Вест Хем пред 10 дена.

Потер потврди дека ниту еден од нив нема да игра во пресметката во средата вечерта на Стемфорд Бриџ.

„Едуард Менди ќе го пропушти натпреварот, а исто така и Канте. И двајцата водат добро, но играта доаѓа прерано за нив“, сподели Потер.

„Менди добро реагира, но неговото колено го мачи веќе некое време. Можеби нема долго да го нема, но во моментов не е достапен“.

„Состојбата на тимот е добра. Со нетрпение очекувам подобро да ги запознаам играчите. Можам да се грижам само за работите што можам да ги контролирам. Многу сум задоволен од составот бидејќи има многу квалитет во него. Тие сакаат да постигнат големи работи, да прават добро“, додаде менаџерот на Челзи.

„Односот меѓу симпатизерите и тимот е најважен. Да, јас сум главен тренер, но не сум поважен од кој било друг, ќе ја ценам нивната поддршка. Што можам да ветам? Можам да ветам дека секогаш ќе давам се од себе, секој ден. Сакам скромен и респектабилен тим кој работи напорно. Сакам да се забавуваме на теренот, но сакаме и да победуваме. Сакаме да создадеме сопствен тим и идентитет и ќе се бориме секој ден за тоа“, додаде Греам Потер.