Челзи чека понуди за Кепа

Челзи е подготвен на лето да се раздели со вториот голман Кепа Арисабалага . На Стемфорд Бриџ се надеваат дека ќе добијат барем неколку понуди за шпанскиот чувар, кој не е во плановите на менаџерот Томас Тухел, пишува ESPN.

Кепа и понатаму е најскапиот голман во светот, откако лондончани за него платија неверојатни 80 милиони евра на Атлетик Билбао во 2018 година. Сепак, тој беше разочаран од настапот на Стемфорд Бриџ и постепено го загуби стартното место на сметка на Едуард Менди. Сепак, Шпанецот зема многу сериозна плата од 150 илјади евра неделно и затоа „сините“ бараат начин да се ослободат од овој финансиски товар.

Кепа има договор со Челзи до 2025 година, но клубот се надева дека ќе најде купувач на лето. Во моментов цената на Шпанецот падна на 10 милиони евра и многу тимови можат да си дозволат да ја платат. Сепак, неговата висока плата одбива многу од кандидатите за неговиот потпис.

Оваа сезона 27-годишниот чувар доби повеќе шанси за настап поради проблеми со повредите на Менди. Одигра 15 натпревари на сите турнири, притоа настапувајќи на добро ниво, а на 8 чувајќи „сува“ мрежа.