Челзи го продаде за „нешто ситно“, но ќе го врати за сериозни пари?

Џереми Бога по потекло е од Брегот на Слоновата Коска, а роден е во Франција, Марсеј и ја започна својата фудбалска кариера во Англија.

Имено, овој крилен играч ја помина младинската школа на Челси, стигна до составот на У23, но никогаш не доби шанса во првиот тим.

Челси го продаде на Сасуоло за три милиони евра по неколку заеми во летото 2018 година.

23-годишниот Бога игра одлично оваа сезона во дресот на Сасуоло, па се појавија шпекулации дека Челзи може да го врати на „Стемфорд Бриџ“ ова летото.

Она што е добро за Челзи е фактот дека лондонскиот клуб го задржа ексклузивното право да го купи Џереми Бога, но на „Сините“ сепак ќе им требаат околу 18 милиони евра.

Патем, Наполи, наводно, е заинтересиран за Бога, но сето тоа ќе зависи од Челзи, од тоа дали „Сините“ навистина ќе решат да го вратат крилниот напаѓач во своите редови.

Дека интересот на Челси постои, го потврди претседателот на Сасуоло Џовани Карневали.

„Челси има право да го купи и да размисли за тоа. Ние сме во добри односи со нив и веќе еднаш се сретнавме, зимава. Можеби останува со нас, сè е можно“, рече Карневали.

Џереми Бога оваа сезона има одиграно 24 натпревари во Серија А, постигна осум гола и запиша четири асистенции.