Челзи и Интер не го сакаат Лукаку, ама го сака Реал Мадрид?!

Реал Мадрид размислува за шокантен потег однодно ангажман на Ромелу Лукаку, откако извршниот директор на Интер потврди дека белгискиот напаѓач ќе се врати на Стемфорд Бриџ на крајот од сезоната.

Белгиецот беше испратен на позајмица во неговиот поранешен клуб, Интер, минатата година од страна на Челзи, откако не успеа да испорача по неговиот трансфер од италијанскиот клуб вреден 97 милиони фунти во 2021 година.

Неговиот втор ангажман со тимот од Серија А, сепак, не ги оправда очекувањата, а клубот не сака да го задржи.

Според Fichajes, тимот на Карло Анчелоти ги цени способностите на Лукаку, кога се разбира не е повреден, и би бил подготвен да го донесе на Сантијаго Бернебау.

Истиот медиум тврди дека Мадрид го гледа Белгиецот како силна опција покрај Карим Бензема, кој собра само 11 голови во Ла Лига во текот на кампањата.

За време на неговиот прв престој во Милано, Лукаку постигна 47 гола на 72 натпревари, во две сезони, и му помогна на Интер да го освои Скудетото во 2020-2021 година.