Челзи по пресвртот славеше на „Вила Парк“

Гледавме уште еден интересен дуел на првиот ден од „Boxing Day“ во 19. коло од Премиершип.

По пресвртот, Челзи како гостин ја совлада Астон Вила со 1:3.

По неколку добри прилики пред двата гола, домашните први дојдоа до водство. Во 28. минута Џејмс имаше лоша интервенција и ја смести топката во сопствената мрежа за 0:1.

Сепак, до крајот на полувремето тимот од Лондон успеа да израмни, а стрелец на голот беше Жоргињо од пенал во 34. минута од натпреварот.

А потоа следуваше целосен пресврт на гостите.

Во 56. минута Лукаку погоди за 1:2 на асистенција на Хадсон-Оди, а конечните 1:3 ги постави Жоргињо со својот втор гол од пенал во третата минута од судиското продолжение.