Червар по големата победа: Ракометот не умре

Хрватската ракометна репрезентација се пласира во финалето на Европското првенство.

Ракометарите на Хрватска славеа вечерва во Стокхолм против Норвешка со резултат 29:28, проследено со тотално славење. Две продолженија требаше да поминат за триумф.

По натпреварот, селекторот Лино Червар излезе пред камерите со голема емоција.

„Немам зборови да им се заблагодарам на играчите. Тоа беше херојски натпревар, кој ретко се гледа. Повеќе напнати од тоа кога бевме светски шампиони во Португалија. Не знам што да кажам, не бевме во финалето десет години. Бевме во 2010 година и повторно пи припадна таа чест, ракометот не умре “, рече Червар, чија изјава ја пренесе Индекс, додавајќи:

„Јас сум премногу емотивен и мислам дека треба да им дадеме простор на играчите да зборуваат. Среќен сум”.

Изјава даде и Лука Циндриќ.

„Беше тешко, физички и психички. Што да кажам … Одлична победа за цела Хрватска, за оние кои верувавме во ова. Ги оставивме срцето на теренот”, изјави играчот на хрватската репрезентација, а до збор стигна и Давид Мандиќ.

„Многу тежок натпревар. Од првата до последната минута се држевме. На крајот, ние заслужено победивме и немам што друго да кажам, освен да им честитам на соиграчите”.

Хрватска во финалето в недела ќе игра против победниците од дуелот меѓу Словенија и Шпанија.