Дали ќе се оствари сонот на Ракитќ? „Совршено би се вклопил“

Станува се повеќе јасно дека ерата на Иван Ракитиќ во Барселона се приближува кон крајот.

Иако хрватскиот фудбалер има договор со Барселона уште една година и половина, медиумите во Шпанија јавуваат дека може да има трансфер на крајот на сезоната, главно заради интересот на многу клубови.

Последен клуб што се приклучи во борбата е Севилја, за која Ракитиќ веќе имаше можност да игра од 2011 до 2014 година, а дека не станува збор само за гласини, потврди спортскиот директор Мончи за време на еден промотивен настан.

„Ракитиќ совршено би се вклопил“, рече Мончи и додаде дека размислува за негов трансфер во летниот рок.

„Веќе започнав да контактирам со некои претставници. Имам состаноци и планирав патувања поврзани со следната сезона. Имаше операции што може да се склучат во рок од една недела, но има и такви што траат два месеци, бидејќи не можевме да се договориме за износот за време на преговорите“. додаде тој.

Ракитиќ неодамна призна дека неговиот сон е да се врати во Севилја еден ден.