Дали на Новак му се заканува опасност да падне во истата замка?

Иако сега ситуацијата е многу поповолна во однос на лани кога станува збор за можноста Новак Ѓоковиќ да учествува на тениски турнири, сепак во Соединетите Американски Држави постои бариера, каде што невакцинираните лица веројатно нема да можат да влезат во земјата до мај.

Пред тоа, во текот на март, на територијата на САД ќе се одржат два значајни турнири, Индијан Велс и Мајами, двата од мастерс категорија. Организаторите, но и самиот Новак сакаат тој да учествува на овие турнири, но сегашните прописи не се во согласност со тие желби.

Денеска беше потврдено дека најдобриот светски тенисер поднел документи и аплицирал за специјална дозвола за влез во САД за да игра во Индијан Велс и Мајами.

„Тоа е нешто што за жал не е во наши раце, Новак мора да добие специјална дозвола, со оглед на тоа што САД сè уште не дозволуваат влез на невакцинирани луѓе, што е едноставно неверојатно бидејќи целиот свет е отворен и спортски настани низ светот се одржуваат со вакцинирани и невакцинирани спортисти“, изјави денеска во изјава за „Танјуг“ Ѓорѓе Ѓоковиќ, помладиот брат на Новак и директор на Србија опен.

Да потсетиме, Новак минатата година пред да замине за Мелбурн доби уверување од организаторите на Австралија опен дека ќе добие „медицинско ослободување“ и затоа дозвола за учество на турнирот, иако не бил вакциниран. Поверувал и кога пристигнал во Мелбурн, поминал низ вистинска тортура и на крајот бил депортиран од земјата.

Се чини дека сега најважно е Ноле да не падне во слична „стапица“ и да не дозволи да биде жртва на некое ново недоразбирање, иако сите би сакале да го видиме во Индијан Велс и Мајами.