Де Хеа го престигна Роналдо за „Играч на сезоната“ во Манчестер Јунајтед

Голманот Давид де Хеа е избран за „Играч на сезоната“ од Манчестер Јунајтед.

31-годишниот Шпанец одигра полни 90 минути на секој од 38-те првенствени натпревари во сезоната и често го спасуваше тимот со одличните игри. Неговите добри игри му донесоа седум награди за играч на натпреварот, како и напаѓачот Кристијано Роналдо.

Де Хеа по четврти пат ја добива наградата за најдобар играч на сезоната на Манчестер Јунајтед. Наградата ја доби во сезоните 2013/14, 2014/15 и 2017/18.