Дибала: Фаворити на Светското првенство? На минатото првенство никој не ја спомна Хрватска…

Аргентинскиот напаѓач Пауло Дибала го чека тешко Светско првенство. Тој влезе во изборот на Лионел Скалони и покрај тоа што заработи повреда неколку недели пред Светското првенство. Фудбалерот на Рома сепак успеа навреме да се опорави за да учествува на големиот фудбалски форум.

Дибала смета дека е тешко да се каже кој е фаворит за светската титула, со оглед на тоа што секогаш има изненадување за отфрлање.

„Сите репрезентации на Мундијалот имаат шанса за титулата, навистина така мислам. На последното Светско првенство, да прашате 10 луѓе, никој немаше да одговори дека очекуваат Хрватска да биде во финалето“, изјави Дибала.

„Секогаш може да има изненадување. Има тимови кои настапуваат многу добро. Аргентина, Германија, Франција, имаат неверојатни играчи, Бразил… Но никогаш не се знае што ќе се случи во светските финалиња. Изненадувањето секогаш може да ги збуни сите прогнози“, додаде Аргентинецот.