Диего Симеоне: Манчестер Сити има извонредни играчи

Главниот тренер Диего Симеоне сака уште посилен настап од Атлетико Мадрид во четвртфиналето од Лигата на шампионите против Манчестер Сити. Шпанците во последното коло го елиминираа Манчестер Јунајтед. Сега целта пред „црвено-белите“ од Мадрид е надградба.

„Тука сме најдобри во Европа и сакаме да победуваме. Сите тимови се многу силни, но се надевам дека ќе победат оние кои го заслужуваат тоа. Манчестер Јунајтед има различни карактеристики во споредба со Сити, кој е попозициониран и се обидува да доминира со сите. Ни треба да го подобриме сето она што го направивме пред две недели. Манчестер Сити и Атлетико Мадрид имаат многу добри и завршени состави, но имаат различни карактеристики. Сите сме под притисок, но тоа е многу голема одговорност. Не се сомневам дека Сити има исклучителни играчи, можеби имаат подобри играчи од нас, но има два натпревари. Мораме да бидеме сериозна конкуренција и да ги покажеме нашите способности. Сакаме да ги заситиме сите области со луѓе и да ги реализираме нашите шанси. Тие се обидуваат да ја задржат топката што е можно подолго , а сите тренери го сакаат токму тоа.Имаме обврска да бидеме активни“, изјави Симеоне на прес-конференција.

Аргентинецот зборуваше и за менаџерот на „небесносините“ Пеп Гвардиола: „Неговите тимови веднаш и секогаш сакаат да ја вратат топката кога ќе ја загубат. Ќе ми биде задоволство да играм против нив, сакам да го гледам нивниот настап“.

Атлетико Мадрид во вторник гостува кај Манчестер Сити во Англија.