Донарума потпишува за Јувентус

Договорот на италијанскиот голман истекува во јуни, а во овој момент преговорите помеѓу Милан и агентот на Донарума, Мино Раиола не одат баш во добра насока.

Голманот на Милан, Џанлуиџи Донарума се чини од следната сезона ќе го брани голот на Јувентус. Италијанецот во јуни ќе биде слободен агент, бидејќи му истекува актуелниот договор со „росонерите“.

Преговорите се водат подолго време, меѓутоа двете страни не можат да дојдат до договор. Ситуацијата за Милан ја комплицира Јувентус кој нуди повеќе пари и поголема провозија за Раиола.

Донарума наводно има желба да остане во Милан, но парите може да го натераат да направи „предавство“ и да премине во Торино во редовите на големиот ривал.

Според актуелниот договор Донарума заработува шест милиони евра по сезона и понудата од Милан за петгодишна соработка е осум милиони евра. Јувентус му нуди повеќе, 10 милиони евра по сезона и дополнителен бонус за потпис, како за Донарума така и за Раиола.

Во Милан Донарума дебитираше на 16 години и брзо стана прв избор на голот. Во овој момент важи за еден од најдобрите голмани во светот и наследник на Буфон во репрезентацијата на Италија, а можеби и во Јувентус ќе видиме.