Драмата во Франција заврши со среќен крај, фудбалерот тргнат од мостот (ФОТО)

Драмата во Франција заврши со среќен крај. Фудбалерот на Ница Алексис Бека Бека (22) бил извлечен од работ на мостот каде седел и се заканил дека ќе се самоубие. Наводно, младиот играч отишол на мостот „Манјан“ поради раскинување со својата девојка. Таму беа испратени сите служби, полиција, итната помош, психолози и се чини дека разговорите вродија со плод. Сè траело околу еден час и успеале да го убедат Алексис да се повлече и на тој начин да спречат трагичен исход. Веднаш бил префрлен во болница, а неговиот клуб се уште не се изјаснил за тоа.

This is Scary… But now it seems that Alexis Beka Beka is safe thankfully… pic.twitter.com/3vyLWnweTD

— Upamaguire (@UpamaguirePF) September 29, 2023

Бека Бека е роден во Париз на 29 мај 2001 година, а професионалната кариера ја започна во 2018 година во резервниот тим на Каен. После тоа играше за првиот тим, а потоа замина во Русија и потпиша за Локомотив Москва. Таму остана само една година, а потоа се врати во Франција и потпиша за Ница. Помина низ јуниорските категории на француската репрезентација, беше дел од тимот на Олимписките игри во Токио, но не играше за сениорскиот тим. Покрај францускиот има и конгоански пасош.