Еден Азар планира да биде во Реал уште две години

Белгиецот Еден Азар изјави дека има намера да го исполни договорот со Реал Мадрид , кој истекува во 2024 година. „Моите први три сезони со тимот не поминаа добро, но сакам да им покажам на сите што можам да направам. Отсекогаш ми било сон да играм за Реал Мадрид и сè уште е“, рече 31-годишниот.

„Се надевам дека никогаш повеќе нема да се повредам. Сакам да дадам се од себе за тимот и да ги свртам работите што ми се случија. Сакам да играм фудбал овде и да освојувам титули, да бидам важен за тимот“, рече Азар.

Eden Hazard tells VTM NIEUWS on his future: “Everybody knows that I’ve a contract until 2024. My first 3 seasons have not gone well, so I want to show everybody what I can do” 🇧🇪 #RealMadrid

“It's always been a dream to play for Real. It still is”, he added. pic.twitter.com/BS2eRO1USb

— Football Arena ⚽️🏈🎾🏐🥅 (@TwasamJ) May 24, 2022

“Во моментов се чувствувам добро. Играв против Кадиз, но сепак ми недостасуваат повеќе минути на теренот. Зглобот ми е во ред, па со добро чувство се упатувам кон финалето”, изјави Белгиецот.

Дека Азар и Герет Бејл се добро и достапни за големиот натпревар против Ливерпул во Лигата на шампионите потврди и главниот тренер Карло Анчелоти . „Еден Азар може да игра во финалето, Бејл исто така. Сите играчи сакаат да учествуваат, дури и на пет или десет минути“, изјави Анчелоти.