Елмас, Мин Јае, Ѓулер, купи евтино, продај скапо, најдобрите зделки на Фенербахче!

Турскиот гигант Фенербахче во изминатите години покажа како се работи. Станаа тим кој купува евтино, создава квалитет, а потоа продава скапо. Така е последниот случај со 18-годишниот Арда Ѓулер кој е продаден за 20 милиони евра на Реал Мадрид. Го купија од Ѓенчербирли во 2019-та за 2,5 милиони евра. Претходно успешна таква приказна беше и нашиот Елиф Елмас. Купен е од Работнички за 200 илјади евра во 2017-та година, а во 2019-та го продадоа на Наполи за 16 милиони евра. Уште еден транфер на релација Фенер-Наполи. Дефанзивецот Ким Мин Јае беше купен од Пекинг Гуан за 3 милиони евра во 2021 година, а една година подоцна е продаден за 18 милиони евра на Наполи. Со ова, од 2017-та година до сега, Фенербахче вложил 5,7 милиони евра, а со само три трансфери заработи неверојатни 54 милиони евра.

– Елиф Елмас дојде за 200 илјади евра, а потоа беше продаден за 16 милиони евра на Наполи.

-Ким Мин-Јае дојде за 3 милиони евра, а потоа беше продаден за 18 милиони евра на Наполи.

-Арда Ѓулер дојде за 2,5 милиони евра, а потоа беше продаден за 20 милиони евра на Реал Мадрид.