Елмас по мечот со Милан: Вакво судење немам видено во важен меч во ЛШ

Елиф Елмас порад отсуството на Осимен синоќа против Милан играше „лажна деветка“ односно напаѓач. Беше блиску да постигне гол, но пречката го спречи во тоа. За италијанските медиуми вели дека е задоволен од неговиот перформанс, со оглед на тоа дека прв пат игра како напаѓач, и дека шанси се уште Наполи има бидејќи за една недела се игра реваншот.

Сепак, Елмас иако не сакаше да навлегува во детали, имаше збор два за судиите.

-Не би сакал да зборувам за судијате, тој свиреше константно неповолно за нас и многу наши играчи беа опоменати. Од друга страна, Милан правеше фаули и нивните фудбалери не беа казнувани. Вакво нешто немам видено во така важен меч на Лигата на шампионите“, изјави Елмас за тамошните медиуми.