Енди Мареј ќе игра само во двојки

Двократниот олимписки шампион во тенис Енди Мареј се повлече од индивидуалните настапи на игрите во Токио.

Мареј со години не е на врвот на тенисот поради повреди и проблеми со колкот. Иако се очекуваше да игра во сингл, тој сепак реши да се натпреварува само во двојки на Олимписките игри во Токио.

„Навистина сум разочаран што морам да се повлечам, но медицинскиот тим ме советуваше да не играм и во индивидуална конкуренција и во конкуренција на двојки, затоа донесов тешка одлука да се повлечам од сингл конкуренцијата и да се фокусирам само на парови со партнер“, рече Мареј.

Британецот освои златни медали во Лондон во 2012 година и Рио де Жанеиро во 2016 година.

Тој и неговиот партнер Џо Солзбери играа во првото коло против францускиот пар Махут – Херберт и славеа со 6:3, 6:2.