Connect with us

Фудбал

Фалкао е нов соиграч на македонскиот голман Димитриевски

Радамел Фалкао си најде нов клуб откако пред неколку дена го раскина договорот со турски Галатасарај, се остварија најавите и тој е нов член на шпанскиот Рајо Ваљекано.

Тој во следниот период ќе настапува за тимот на Рајо Ваљекано во шпанската Примера.

„Фалкао е нов играч на Рајо Ваљекано. Добредојде во Ваљекас“, порачаа од овој шпански тим.

Рајо Валјекано преку социјалните мрежи потврди дека 35-годишниот напаѓач потпишал за нивната екипа и ќе им помогне во борбата за опстанок.

Во својата клупска кариера играше за врвни клубови како Порто и Атлетико Мадрид со кои ги имаше најголемите успеси.

Со португалската екипа ја освои Лига Европа во сезоната 2010/11, а на врвот во истото натпреварување се искачи и со „јорганџиите“ со кои исто така дојде до титули во „Копа дел Реј“ и УЕФА Суперкупот.

Со Монако во Франција беше шампион во сезоната 2016/2017, и освојувајќи низа бројни индивидуални признанија.

Рајо Ваљекано после три кола во „Ла Лига“ има три бода и е на 10 место во генералниот пласман.