Федерер во јули дозна дека се е готово

Пјер Паганини, фитнес тренерот на Роџер Федерер, рече дека 20-кратниот победник на Грен слем уште во јули знаел дека е време да се откаже.

Швајцарецот минатата недела објави дека се повлекува од спортот и дека последен турнир ќе му биде изложбата Лејвер куп, која ќе се игра од петок до недела во О2 арената во Лондон.

„Во јули веќе знаевме дека е готово. Се обидовме да му ја продолжиме кариерата со комбинирање на различни елементи на тренинзите, но не успеа“, изјави Паганини.

Последен официјален турнир на кој Федерер учествуваше беше Вимблдон минатата година. Неизвесно е дали воопшто ќе игра на својот проштален турнир.

„Тој ќе одлучи во последен момент. Тренира последните неколку дена, ќе види како ќе се чувствува. Сите сме возбудени поради тоа што се случува во Лондон. Верувам дека ќе биде на теренот и дека јавноста ќе има можност да му честита“, изјави Паганини.

https://twitter.com/steftsitsipas/status/1571920283992461312?ref_src=twsrc%5Etfw%7Ctwcamp%5Etweetembed%7Ctwterm%5E1571920283992461312%7Ctwgr%5Ef9ede969e107bb987e62e931efbc6b35dbf57b24%7Ctwcon%5Es1_&ref_url=https%3A%2F%2Fdsport.bg%2Ffederer-razbral-prez-uli-che-vsichko-e-svarsheno94714.html

Федерер пристигна во Лондон и во друштво на Стефанос Циципас и селекторот на европската селекција Бјорн Борг го одработи првиот тренинг.