Фернандињо се враќа во својот прв тим

Поранешниот бразилски репрезентативец Фернандињо ќе потпише со Атлетико ПР. Трансфер експертот Фабрицио Романо тврди дека играчот од средниот ред се согласил на двегодишен договор со клубот од Куритиба.

Фернандињо ( 37) е слободен играч откако го напушти Манчестер Сити на крајот од минатата сезона. Кариерата ја започна во Атлетико ПР, а потоа изгради име во Европа со екипата на Шахтјор (Доњецк) , за во 2013 година да се пресели во Манчестер Сити. Со „граѓаните“ играчот од средниот ред освои вкупно 14 трофеи.

Минатата сезона Фернандињо одигра 32 натпревари во сите натпреварувања, постигнувајќи 2 гола и 2 асистенции.