Фернандо Алонсо го замени Алпин за Астон Мартин

Фернандо Алонсо потпиша договор со Астон Мартин, кој ќе стапи на сила од 2023 година, објави британскиот тим. Терминот на договорот меѓу двете страни не се открива, но според нивно задоволство може да се смета дека е за неколку сезони.

Алонсо ќе го замени Себастијан Фетел во британскиот тим. Германецот во неделата пред Големата награда на Унгарија објави дека ја завршува кариерата на крајот од актуелната сезона, а договорот на Алонсо со Алпин истекува на крајот на 2022 година.

41-годишниот Фернандо Алонсо е двократен светски шампион во Формула 1 (2005, 2006) со Рено.

„Тимот е многу задоволен што може да се потпре на искуството на Фернандо. Привлекувањето на посебен талент како Шпанецот е изјава за нашите намери да станеме победнички тим во Формула 1“, се вели во соопштението на Астон Мартин.

Сè уште имам амбиција да се борам во челото и сакам да бидам дел од тим кој е посветен да продолжи да се развива и да успеси во Формула 1“, прокоментира Алонсо.

NEWS: @AstonMartinF1 announces Fernando Alonso for 2023.

We are delighted to confirm that two-time #F1 World Champion @alo_oficial will join the team from next season on a multi-year contract.

Tap below to read more. ⬇️#WeClimbTogether

— Aston Martin Aramco Cognizant F1 Team (@AstonMartinF1) August 1, 2022

„Овој тим на Астон Мартин јасно ја применува својата енергија и посветеност на победите и затоа е еден од највозбудливите тимови во Формула 1 денес. Ги познавам Лорен и Ленс долги години и очигледно е дека тие имаат амбиција и страст да успеат во Формула 1. Гледав како тимот систематски привлекува големи луѓе. „Никој во Формула 1 денес не покажува поголема визија и апсолутна посветеност на победата и тоа го прави навистина возбудлива можност за мене“, додаде Шпанецот.

Астон Мартин ќе биде шестиот тим во кариерата на шпанскиот возач, кој се натпреваруваше за Минарди, Рено, Мекларен, Ферари и Алпин.