Connect with us

Други спортови

Фетел потпиша договор со Астон Мартин

Лондон, 10 септември 2020 (МИА) – Четирикратниот шампион во Формула 1, возачот на Ферари, Себастијан Фетел, потпиша договор со Астон Мартин. Германецот ќе започне да вози за тимот во 2021 година.

– Среќен сум што конечно споделувам возбудливи вести за мојата иднина. Горд сум што објавувам дека од 2021 година ќе бидам возач на Астон Мартин. Ова е нова авантура за мене како претставник на легендарниот производител на автомобили. Бев импресиониран од перформансите на тимот оваа година, верувам дека нејзината иднина изгледа уште посветла. Јас сè уште навистина ја сакам Формула 1, мојата мотивација е да се натпреварувам за врвот. Голема чест е да се направи ова со Астон Мартин, изјави Фетел.

Астон Мартин е новото име на тимот на Рејсинг поинт. Тимот ќе започне да настапува под ново име во 2021 година.

Фетел ќе го замени Мексиканецот Серхио Перез, кој ќе го напушти тимот на крајот на сезоната 2020 година. зс/

loading...

Реклама

Facebook

Реклама
Реклама
Реклама
Реклама
WP2Social Auto Publish Powered By : XYZScripts.com