ФИФА дозволи играч од Сенегал да игра на Светското првенство во Катар

ФИФА го ослободи сенегалскиот репрезентативец Исмаил Џејкобс да игра за неговата земја на Светското првенство во 2022. Ова се случи само неколку минути пред натпреварот на Африканците против Холандија во групата А на Светското првенство во Катар.

Поранешниот младински репрезентативец на Германија имал „административни проблеми“ со документите, се вели во соопштението на ФИФА. Во понеделникот беше одржано рочиште, по кое светските фудбалски челници потврдија дека Џејкобс има право да ја смени репрезентацијата за која настапува.

23-годишниот лев бек е роден во германскиот град Келн, но реши да ја промени националноста во очекување на учество на Светското првенство во 2022 година.

Џејкобс, кој настапува за Монако во француската Лига 1, е замена на натпреварот на африканскиот шампион Сенегал против Холандија. Досега дефанзивецот има одиграно два натпревари со тимот на Сенегалскиот тим.