ФИФА издаде соопштение во врска со проблемите со пристап до билети преку апликацијата

ФИФА издаде соопштение во врска со проблемите со пристапот на натпреварите од Светското првенство во Катар преку апликацијата за билети.

„Моментално, некои гледачи се соочуваат со проблеми со пристапот до нивните билети преку апликацијата на ФИФА. Организацијата работи на решение за овој проблем“, коментира ФИФА.

Во меѓувреме, обожавателите кои не можат да пристапат до нивните мобилни билети треба да ги проверат сметките за е-пошта што ги користеле за да се регистрираат на апликацијата за дополнителни инструкции.

Во случај навивачите да немаат пристап и до нивните електронски сандачиња, билетарата на стадионот може да им помогне.

„Им благодариме на навивачите за разбирањето додека работиме на решавање на проблемот што е можно поскоро“, се додава во соопштението на ФИФА.