ФОТКА КОЈА ЈА РАСПЛАКА ЦЕЛА ПЛАНЕТА: Фудбалерите на Наполи се простија од Марадона на уникатен начин

Фудбалерите на Наполи ја пречекаа Ријека во Лигата на Европа во најтажниот натпревар некогаш одигран во градот под Везув, по смртта на иконата на клубот Диего Армандо Марадона.

Како гест на внимание кон најдобриот фудбалер во историјата, фудбалерите на Наполи излегоа на теренот со дресови со „десетката“ и презимето на Марадона. Немаше публика поради пандемијата на вирусот корона, но имаше многу луѓе во близина на објектот што ќе го носи името на легендарниот Аргентинец кој дојде да му оддаде почит на „најголемиот“.

Еден од оние на кои му беше тешко со смртта на Диего беше белгискиот офанзивен играч Дрис Мертенс, кој преку социјалните мрежи беше во контакт со неговиот славен претходник.

– Му се извинив на Марадона што постигна повеќе голови од него и затоа што моето име беше ставено покрај неговото, и тоа не е правилно. Тој беше и секогаш ќе биде единствен. Затоа беше тешко да се земе тој дрес. На некој начин, тоа секогаш беше сон, но не вака – рече Мертенс.

Наполи ја совлада Ријека со 2-0 во четвртото коло од Лигата на Европа.

In the Napoli vs Rijeka match in the Europa League, all Napoli players use the number 10 as a form of respect for Napoli's greatest legend, Diego Maradona. #Maradona #Maradona60 #MaradonaRIP #Napoli #SSCNapoli pic.twitter.com/FrS3D1teEH

— ꧁ꦲꦃꦩꦠ꧀​ꦮꦶꦢꦶꦪꦤ꧀ꦠꦺꦴ꧂ (@ahmatwidianto) November 27, 2020