ФОТО: Коби Брајант со македонско знаме од далечната 1998 година

Целиот свет се простува од кошаркарската легенда Коби Брајант кој трагично загина во хеликоптерска несреќа во неделата. Трагедијата да биде уште поголема со него била и 13 годишната ќерка. Заедно со нив патувале уште шест други лица, а со пилотот бројот на жртвите е девет.

На социјалните мрежи, Фејсбук и Твитер се споделува и фотографија на која се гледа Коби Брајант фотографиран со македонско знаме во далечната 1998-ма година заедно со македонскиот „Street basket” тим.

Како што се тврди, фотографијата е направена во Парис во 1998-ма година за време на Street Ball турнирот. Освен Коби Брајант на фотографијата е уште една голема НБА ѕвезда Трејси Мекгрејди.