ФОТО: Работнички тестиран на Ковид-19, стартува со тренинзите

Тимот на Работнички денеска ги мина задолжителните тестови за Covid-19. Во организација на Синдикатот на фудбалери на Македонија и Аџибадем Систина, прволигашките клубови пред стартот на тренинзите се обврзани да извршат тестови на коронависурот. Мобилна медицинска екипа од Аџибадем Систина денеска беше во посета на ФК Работнички и направени се тестови на сите играчи, стручниот штаб и клупската администрација.

Недостигаат дел од странските фудбалери и шефот на стручниот штаб Ратко Достаниќ кои треба да се приклучат наредните денови, во согласност со протоколот и олабавување на мерките за влез на странски државјани. По извршените тестови на Covid-19, фудбалерите под раководство на првиот асистент Баже Илијоски одработија и тренинг, секако почитувајќи го протоколот за задржување на дистанца и без групирање во поголеми групи.