ФОТО: Столе Стоилов успешно опериран

Капитенот на РК Вардар Столе Стоилов имаше успешна операција на носот. Операциониот зафат беше извршен во болницата „Аџибадем Систина“. Тој имал проблеми со носот поради што му се нарушувало дишењето, а што влијаело на физичката кондиција.

-Воопшто не се двоумев каде да побарам стручна помош, знам дека тука здравјето го препуштам во најдобри раце. Д-р Лазаревски е исклучителен професионалец, се чувствувам одлично по интервенцијата. Затнатиот нос и проблемот со дишењето што го имам веќе подолго време беа навистина голема пречка за мене како спортист и среќен сум што го надминав и овој проблем. Во услови на пандемија на коронавирусот се чувствував 100% безбеден, бидејќи тука се почитуваат сите правила за заштита како пациент, вели Стоилов.