ФОТО+ВИДЕО: Каков ден за малолетникот на МЗТ Скопје, 17-годишниот Иванов ги постигна првите поени во АБА2 лигата

Посебен ден во дресот на МЗТ Скопје имаше 17-годишниот Димитар Иванов. Имено, тој попладнево против Златибор одигра нешто повеќе од две минути и за тоа време успеа да ги постигне своите први поени во АБА2 лигата. Мечот го заврши со 2 поени и еден скок, а по завршувањето следуваа и честитки од соиграчите. Секако, неговите први поени ги одбележа со видео и АБА2 лигата.

Инаку, МЗТ Скопје славеше на овој меч со 90:71. Најефикасен беше Крстевски со 25 поени, а следуваше Николов со 18 и Тарнер со 16. Во противничкиот табор Митровиќ постигна 20 поени.

Со оваа победа МЗТ Скопје го потврди пласманот во плејофот во АБА2 лигата.