Фудбалерот на Ливерпул: Се срамам од тоа што го направив на Меси

Клучниот натпревар на Ливерпул, на патот до титулата од Лигата на шампионите минатата сезона беше домашен натпревар против Барселона. Фудбалерите на Клоп имаа негатива од 0:3 од Каталонија, но сепак успеаа да дојдат до финалето со чудесната победа од 4:0 на домашен терен.

Во еден контранапад, Меси заврши на тревата, а лутиот Енди Робертсон го удри аргентинскиот фудбалер минувајќи покрај него во главата. Судијата не го виде тоа, па дефанзивецот на Ливерпул не беше казнет, ​​иако Меси веднаш се пожали на судијата за овој потег. Сега Робертсон откри дека жали што направил.

„Се срамам од тој момент. Не сакам да ја разгледувам таа ситуација или да зборувам за тоа“, изјави фудбалерот на Премиер лигата за „Дејли меил“.

„Тогаш дадовме се од себе да го запреме Меси и да продолжиме понатаму. Можеби не беше убав потег, но јас го направив тоа за да му помогнам на тимот. Жал ми е што го сторив тоа, не е во мојот стил. Да го направам тоа на најголемиот фудбалер што некогаш играл. .. Јас ги почитувам него и Барселона, но влеговме во таа игра со став дека требаше да бркаме 0:3. Ни требаше чудо, требаше да го запреме најдобриот играч на светот на секој можен начин“.

Робертсон рече дека сите во тимот биле убедени дека можат да направат чуда.

„Навивачите беа неверојатни. Тие направија одлична атмосфера и тоа ни помогна. Никогаш не бевме толку гласни во соблекувалната како во пресрет на тој натпревар. Можевме да го видиме нашиот фокус и решеност. Во сето ова, можеби сум ја преминал границата во дуелот со Меси“.