„Ѓаволски“ план – Чеферин оди против Перез

Реал Мадрид на чело со претседателот Флорентино Перез размислува да формира Светска Супер лига и да ги собере сите најдобри тимови на светот. Претседателот на УЕФА, Александар Чеферин, не застана зад оваа идеја и зборуваше против Перез.

Првиот човек на УЕФА е многу вознемирен од ваквата идеја и кажа дека тоа може да ја уништи целата структура на европскиот фудбал.

„Го прочитав овој луд план. Ако верувате во овие вестите, тие доаѓаат само од еден претседател (Перез). Не можам да го замислам тоа. 

Ваквото натпреварување би го уништило фудбалот низ целиот свет, играчите, но и навивачите кои се врзани за оваа игра, сето тоа во корист на мал број луѓе“, рече Чеферин.