Германците подобри од незгодната Португалија за петто место на ЕП

Репрезентацијата на Германија славеше над Португалија со 29-27.

Германија имаше добар почеток на мечот, па постојано ја има предноста на својата страна, која неколку пати изнесуваше два голови разлика, а на полувреме Германците заминаа со водство од 14-13.

Германците во второто полувреме направија серија од 3-0, па поведоа со 18-15, но потоа Португалците успеаа да направат и пресврт за водство од 26-24. Сепак, сигурниот финиш на германската машинерија во последните минути им донесе триумф од 29-27.

Најдобар во победничкиот тим беше Јулиус Кун со шест постигнати голови, а кај Португалија по четири погодоци постигнаа Фераз и Боргес.