Го „лајкна“ трансферот на Вернер во Челзи, па побрза да го избрише

Се чини дека Каи Хаверц сака да го следи неговиот соиграч во Бундестимот, Тимо Вернер во Челзи.

Претходно денес, англискиот клуб го објави привлекувањето на напаѓачот на Лајпциг. Набргу откако излегоа информациите за договорот, еден навивач го повика Челзи на Твитер да го објави трансферот на Хаверц. Објавената публикација ја „лајкна“ самиот играч на Баер Леверкузен.

Сепак, малку подоцна, младиот човек го отстрани својот „лајк“.

Евентуална набавка и Хаверц ќе го оптовари буџетот на „сините“, бидејќи тие веќе го привлекоа Хаким Зијеш од Ајакс за 40 милиони евра, а споменатата цена на Вернер е 53 милиони евра.

Според извештаите на медиумите, офанзивниот играч од средниот ред на Леверкузен чини најмалку 75 милиони евра.