Го сретна Меси на теренот и го пофали: Му нема рамен, а тоа сите го знаат

Играчот од средниот ред на Тотенхем Ерик Ламела беше разочаран по поразот од Барселона со резултат од 4:2.

Зборувајќи за натпреварот по поразот на Вембли, Ламела не можеше да не го спомне својот сонародник Лео Меси, кој го опиша со посебни зборови.

„Меси е неверојатен. На секој натпревар блеска, не беше така само овде на Вембли. Најдобар е на светот и му нема рамен, а тоа сите го знаат“, рече Ламела, кој за натпреварот го кажа следното:

„Ова беше тежок натпревар за нас. Барселона има напад од светска класа и фантастично го контролираат поседот на топката. Навистина се работи за една неверојатно квалитетна екипа. Не натераа многу да трчаме и да се умориме, а своите шанси вешто ги искористиа“.

Тотенхем после два одиграни натпревари нема ниту еден бод, а проблем му претставува тоа што Интер и Барса имаат по шест, така што ќе имаат тешка задача да се “испикаат“ меѓу двете најдобри екипи во својата група.