Connect with us

Други спортови

Ѓоковиќ го дозна противникот во првото коло на Австралија Опен

Одржана е ждрепката за овогодинешниот Австралија опен.

Големата драма се одвиваше во последните неколку дена околу настапот на Новак Ѓоковиќ на првиот Грен слем сезонава, но се чини дека Ѓоковиќ ќе настапи, ако се суди барем по ждрепката.

За прв носител беше назначен Ѓоковиќ, а за противник Миомир Кецмановиќ.

Ждрепката претходно беше одложена бидејќи се чекаше одлука за евентуална депортација на Ѓоковиќ, но се уште има шанси Ноле да игра на неговиот омилен турнир кој го освојуваше девет пати во кариерата и на кој ја брани титулата од минатата година. .

Поради епидемиолошката состојба, организаторите на ждрепката истакнаа дека капацитетот на трибините ќе биде намален за 50%, а оние гледачи кои ќе бидат на натпреварите ќе треба да поседуваат заштитни маски и потврда за вакцинација против КОВИД.

Претставник во главниот ждреб би можела да има и Босна и Херцеговина, со оглед на тоа што Дамир Џумхур рано утринава го игра мечот од третото квалификациско коло против Аргентинецот Марко Трунџелити, а по квалификацискиот натпревар ќе се знае во кој дел од ждрепката ќе одат најдобарите квалификанти.